भुटानमा आजदेखि सुरु भएको साफ यू–१७ महिला च्याम्पियनसिपको पहिलो खेलमा नेपाल भारतसँग पराजित भएको छ । 

चाङ्लिमिथाङ रंगशालामा भएको खेलमा भारतले नेपाललाई ७–० गोलअन्तरले हराएको हो ।

पहिलो हाफमै ५ गोल गरेको भारतले दोस्रो हाफमा थप २ गोल गर्यो । 

अगस्ट ३१ सम्म हुने प्रतियोगितामा नेपाल, भारत, बंगलादेश र आयोजक भुटान गरी चार टोली मात्र सहभागी छन् । 

प्रतियोगिता डबल राउण्ड रोबिन लिगमा खेलिनेछ र सबैभन्दा बढी अंक जोड्ने टोलीले उपाधि जित्नेछ । 

नेपालले अब अर्को खेलमा पर्सि शुक्रबार भुटानसँग खेल्नेछ ।